Ерөнхий сайд асан Н.Алтанхуягийн ахлах зөвлөхөөр ажиллаж байсан Л.Гансүх нарыг “Нүүрс” хөтөлбөрөөс их хэмжээний мөнгө завшиж улсад онц ноцтой хохирол учруулсан хэмээн буруутган шүүж байгаа. Тэдэнд холбогдох шүүх хурал Баянзүрх, Сүхбаатар, Чингэлтэй дүүргийн шүүхэд тав дахь өдрөө үргэлжилж байна.

Хурал эхэлмэгц Улсын яллагч яллах дүгнэлтээ танилцуулж Л.Гансүхэд 5 жил, Б.Мөнгөнтуяад 7.5 жил,  Н.Даваахүүг 7 жилийн ял оноох санал гаргасан. Үүний дараа шүүгдэгчийн өмгөөлөгч нар Л.Гансүх, Б.Мөнгөнтуяа,  Н.Даваахүү нар буруугүй гэдгийг хэлж, цагаатгах саналтай байгаагаа мэдэгдсэн байдаг.  Тухайлбал, шүүгдэгч Б.Мөнгөнтуяа: "Зохиомол хэрэг үүсгэж, олон сар хорих ангид хорьсондоо уучлал гуй" хэмээн улсын яллагч нарт уйлан уйлан үгээ дайлаа. Мөн хуулийнхан залуу хүмүүсийн амьдралаар ингэж тоглож болохгүй хэмээн уйлж, танхимд байсан хүмүүсийг уйлуулав.  Улмаар шүүгдэгч  нар ажлаа хийсний төлөөл яллагдаж байна гэдгээ  хэлснээр  шүүх хурал завсарлав.

Тодруулбал шүүгч нар  шийдвэр гаргахаар шүүх хурлыг завсарлуулсан юм.  Шүүх хурлын шийдврийн талаар бид эргэн мэдээлэх болно.