“Монгол аялал” компани аялагчдыг БНХАУ-руу аялуулах нэрээр Хятадуудын бизнесийг нэлээд дэмждэг юм байна. Тодруулбал жуулчид Манжуураас ихэвчлэн булган шуба, гутал авах гэж очдог аж.

Ингээд хөтөч нар нь хүртэл аялагчидад захихдаа “та нар Манжуурын дэлгүүрээс авах гэсэн зүйлээ тохирсон үнээрээ л авахгүй бол Хятадуудад амь насаа алдах магадлалтай шүү” гэж сүрдүүлдэг байна. Мөн хөтөч, зохион байгуулагч нарын ор гэсэн дэлгүүрээс өөр дэлгүүрээр үйлчлүүлэх хориотой гэдэг байна.

Харин өөр дэлгүүрээр үйлчлүүлсэн аялагчийг зохион байгуулагч гэх Өвөрмонгол залуус хээр аваачиж, ална хэмээн сүрдүүлсэн бөгөөд энэ хэргийн хохирогч гэх залуу хууль хяналтын байгууллагад хандаад явж байгаа юм байна.

“Монгол аялал” компанийн захирал Пүрэвдорж хүртэл өөрөө манай аялагчид өөр дэлгүүрээр үйлчлүүлж, тааралдвал зургийг нь аваад баримт болгох хэрэгтэй шүү гэж захидаг гэнэ. Ингэж байж илүү ашигтай, Хятадуудад ээлтэй ажилладаг аж.

Өөрөөр хэлбэл нэг жуулчин 5000 юанаар булган шуба авлаа гэж бодоход зохион байгуулагч гэх Өвөрмонголчууд зарагдсан бараа тутмын үнээс 500-1000 юаныг уг дэлгүүрээс буцаан авдаг байна. Тэгэхээр “Манжуурын аялал” нэрийн дор аялагчдыг Хятад дэлгүүрээр “шопинг” хийлгэж гэрээтэй дэлгүүртэй ашиг оруулаад зогсохгүй, “Монгол аялал” компанитай хамтран ажилладаг Өвөрмонголчуудаа дэмжиж байгаа сүлжээ болтлоо өргөжсөн бизнес юм байна.

Монгол аялал компанийн хувьд долоо хоногт нэг удаа ийнхүү Манжуур хот руу хүн зөөдөг бөгөөд нэг явалтаар 25-35 хүн яваад ирдэг юм байна. Дорнодын Засаг даргын тамгын газрын дарга нартай хуйвалдан хуурамч бичиг үйлчилдүүлж, хил нэвтрэн хувийн бизнесээ чөлөөтэй хийж буй уг компанийг хэн шалгах вэ. Холбогдох байгууллагууд анхааралдаа авах хэрэгтэй байна.

Үргэлжлэл бий...

Өмнөх нийтлэлийг энд дарж үз