Улсын Драмын Эрдмийн театрын нүүр царай болж явсан жүжигчин бүсгүйчүүд болох МУГЖ У.Уранчимэг, МУСТА Д.Ганцэцэг, Жүжигчин А.Ганчимэг нар театраасаа гарч "Хувьсал" продакшны албан ёсны уран бүтээлчид болсоноо зарлаад удаагүй байгаа. Гэсэн хэдий ч тэд олон ажлыг амжуулж тун удахгүй хамгийн анхны хамтын уран бүтээл болох “Зэрлэг цэцэгсийн хүлэмж” уран сайхны киногоо ирэх сарын 12,13-нд нээх гэж байгаа билээ.

 

   Тус киноны гол дүрийг МУГЖ У.Уранчимэг, МУСТА Д.Ганцэцэг, Жүжигчин А.Ганчимэг, ҮДБЭЧ-ын бүжигчин М.Бямбаа нар амилуулсан бөгөөд нийт 90 гаруй жүжигчид оролцон тоглосон гайхалтай уран бүтээл болсон аж. Тэгвэл өнөөдөр уг киноны клип, рекламны нээлтийн хэвлэлийн хурал "Монгол Ньюс" мэдээллийн төвд болсон юм. Энэ үеэр киноны зохиолыг бичсэн жүжигчин Д.Ганцэцэг: "Энэхүү киногоороо  нийгмийн харилцаа өөрчлөгдөж, зах зээлийн эдийн засагт шилжих явцад, хүмүүс бие биенээ хүндэтгэх, хайрлах, гадаад үзэмж хөөн амьдрах өнөө үед хүний дотоод сэтгэл, хүн чанар, сэтгэлийн их тэнхээ, хүн хүнээ дээдлэх ариун нандин ёс хичнээн чухал болохыг орчин цагийн үзэгчдэд хөндөн харуулахыг гол чиглэлээ болгон ажиллсан" хэмээн ярьсан юм. Ийнхүү үзэгчдийн дунд хэдийнэ хүлээлт үүсгээд байгаа “Зэрлэг цэцэгсийн хүлэмж” уран сайхны киноны албан ёсны трэйлерийг та бүхэндээ толилуулж байна.

“Зэрлэг цэцэгсийн хүлэмж” МУСК-ны реклам

Дуучин У.Уранцэцэг, Б.Маралжингоо, Э.Агиймаа нарын дуулсан МУУГЗ Л.Балхжавын аялгуу, UBS телевизийн Редоктар П.Одгэрэлийн шүлэг "Зэрлэг цэцэгсийн хүлэмж" МУСК-ны дууны клип