УИХ-ын 2016 оны сонгуулийн дүн өдгөө ч олны дунд ярианы гол сэдэв болсоор байна. Учир нь хүмүүсийн таамаглаж амжаагүй дүн гарсантай холбоотой биз.

Үүнээс улбаалж зарим иргэд, хэвлэл мэдээллийн хэрэгслүүд Монгол Улсад судалгааны байгууллага хөгжөөгүй төдийгүй үнэн бодитой мэдээлэл гаргаж чаддаггүй гэдэг нь нотлогдлоо хэмээж байгаа юм.

Тэр дундаа Монгол Улсын хэмжээнд хамгийн нөлөө бүхий танигдсан "Сант Марал" судалгааны байгууллагын судалгаа хүртэл өнөөдөр биелэлээ олж чадсангүй.

Учир нь уг байгууллагын 2016 оны гуравдугаар сард хийсэн судалгаагаар С.Ганбаатар, Х.Баттулга, Г.Уянга, З.Энхболд нар хамгийн рейтинг өндөртэй улс төрчдөөр тодорч байсан. Гэвч эдгээр эрхмүүд энэ удаагийн сонгуульд ялагдал хүлээсэн. Товчхондоо, энэ сонгуулийн үр дүнг судалгааны байгууллагууд хийгээд намын судалгааны ажлын хэсгүүдийн хэн нь ч зөв таамаглаж чадаагүй гэдэг нь тодорхой байна.

Д.Дуулим

zuvsongolt.mn