​Монгол Улсын хүн амын нас баралтын голлох шалтгаануудын нэг болж буй элэгний хавдрыг үүсгэгч “С” вирусийг эмчлэх эмийг хэрэглэгчдэд хүргэх, үүнтэй холбоотой иргэдэд тулгарч буй санхүүгийн асуудлыг шийдвэрлэхэд хувь нэмэр оруулж “ХасБанк” элэгний С вирусийн оношилгоо, эмчилгээ хийлгэж буй иргэдэд эмчилгээний зээл олгохоор болсон билээ.

Ингэхдээ банкны шалгуур, нөхцөлийг хангасан элэгний с вирустэй иргэдэд хөнгөлөлттэй нөхцөлөөр зээл олгохоор болсон. Энэхүү зээл нь гурван жилийн хугацаатай, 4 сая төгрөг хүртэлх хэмжээтэй, зах зээл дээрх хамгийн бага буюу 1.2 хувийн хүүтэй байх юм.

Зээлийн мөнгийг эмчилгээний зээлд зориулан тусгайлан гаргасан төлбөрийн картад олгох бөгөөд уг картыг одоогоор ХасБанктай хамтын ажиллагааны гэрээ байгуулсан Интермед, Гранд мед, Сонгдо эмнэлэгүүд, Хаппи Веритас, Гялс, Мед аналитик, Стандлаб, Онкоген, Итгэл, Элэгний төв лабораториуд болон Омбол, Монгол эм импекс эм ханган нийлүүлэгч байгууллагуудын карт уншигч машинд уншуулан эмчилгээ, үйлчилгээний төлбөрөө төлнө. Ингээд "Хасбанк"-ны эмчилгээний зээл авах мэдээллийг дэлгэрэнгүй хүргэе.

Эмчилгээний зээл хэрхэн авах вэ

Давуу тал:

• Зээлийн хүсэлтийг богино хугацаанд, шуурхай шийдвэрлэнэ;
• Зээлийг урьдчилан төлөхөд торгуульгүй;
• Зээлийн хүүг зөвхөн ашигласан дүнгээс тооцно;
• Зээлийн эхний 6 сарын хугацаанд үндсэн төлбөрөөс чөлөөлөгдөнө;
• Зээлийг зөвхөн зориулалтын дагуу ашиглах боломжтой*;
• Банкаар цалин болон бизнесийн орлогоо удирддаг, зээлийн сайн түүхтэй бол барьцаа хөрөнгө шаардахгүй.

Эмчилгээний зээлийн нөхцөл:

* Зээлийг зөвхөн тусгайлсан тохиргоотой картаар дамжуулан банктай хамтран ажиллах гэрээ байгуулсан эм ханган нийлүүлэгч байгууллага, эмнэлэг болон итгэмжлэгдсэн лабораториуд дээр байршуулсан банкны ПОС төхөөрөмж дээр гүйлгээ хийх боломжтой байна.Тавигдах шаардлага:

• 18-с дээш настай эрх зүйн бүрэн чадамжтай байх;
• 6 болон түүнээс дээш сарын хугацаанд тогтвортой ажил эрхэлсэн байх эсхүл 12 сар болон түүнээс дээш хугацаанд бизнесийн үйл ажиллагаа явуулсан байх;
• Зээл хүсэгч эсхүл түүний гэр бүлийн хүн нь Элэгний “С” вирус устгах эм уух шаардлагатай нь эмчийн оношоор тогтоогдсон байх.

Бүрдүүлэх материал:

• Зээлийн өргөдөл;
• Цахим иргэний үнэмлэх, түүний хуулбар;
• 3х4 хэмжээтэй цээж зураг;
• Зээл хүсэгч нь гэр бүлийн гишүүний эмчилгээнд зориулж зээл авч буй тохиолдолд хоорондын хамаарлыг нотлох баримт бичиг;
• “С” вирустэй нь тогтоогдсон, вирусийн эсрэг эм уух шаардалагатай тухай эмчийн онош / сүүлийн 3 сарын хугацаанд бичигдсэн байх/;
• Нийгмийн даатгалын дэвтэр, түүний хуулбар;
• Цалингийн тодорхойлолт /ХасБанкны салбар, тооцооны төвүүдээс авах/;
• Гэр бүлийн хөдөлмөр эрхэлж буй гишүүдийн цалингийн тодорхойлолт /Шаардлагатай бол/;
• Бизнес эрхлэгч бол бизнестэй холбоотой бичиг баримтууд.

Дараахь салбаруудад хандан зээлийн хүсэлтээ шийдвэрлүүлнэ үү. Үүнд:

М.Буянжаргал