Чингэлтэй дүүргийн багш нарын баярын нэгдсэн арга хэмжээний үеэр дүүргийн шилдэг багш, тэргүүний сургууль цэцэрлэгүүдийг тодруулж, шагнал гардуулах уламжлалт ёслолын арга хэмжээ болов.Сургуулийн өмнөх боловсролын онцлох багшаар 126 дугаар цэцэрлэгийн багш М.Түвшинжаргал, Бага боловсролын Онцлох багшаар 39 дүгээр сургуулийн Бага ангийн багш Д.Баяртуул, Мэдээлэл, технологи, гоо зүйн Онцлох багшаар 72 дугаар сургуулийн багш Ц.Дүүрэнжаргал, Монгол хэл, уран зохиолын Онцлох багшаар 5 дугаар сургуулийн МХУЗ-ын багш М.Болормаа, Байгалийн ухааны Онцлох багшаар 24 дүгээр сургуулийн Химийн багш Б.Чимэгсолонго тодорлоо. Сургуулийн өмнөх боловсролын Онцлох удирдлагаар 83 дугаар цэцэрлэгийн эрхлэгч Т.Сэлэнгэ, Ерөнхий боловсролын Онцлох удирдлагаар 23 дугаар сургуулийн Дунд ангийн сургалтын менежер Ц.Цолмонбаатар шалгарав. Дүүргийн 2016 оны “Шилдэг цэцэрлэг”-ээр 5 дугаар цэцэрлэг, 154 дүгээр цэцэрлэг, “Бяцхан ертөнц” цэцэрлэг, дүүргийн 2016 оны “Шилдэг сургууль”-иар 23 дугаар сургууль, 17 дугаар сургууль, “Атланта” бүрэн дунд сургуулиуд тодорч, шагналаа гардаж авсан юм.