УИХ-ын чуулганы нэгдсэн хуралдаанаар Хэрэглэгчийн эрхийг хамгаалах тухай хуулийн төслийг хэлэлцэх үеэр С.Жавхлан гишүүн дараах байдлаар байр сууриа илэрхийллээ.

Тэрээр “Хуулийн дарамт түмэн олонд хангалттай байгаа. Дахиад дарамтлах хэрэггүй. Гадаа 1200 ТҮЦ-ийг ачаад бөөн юм болж байна. Самарч байна. Хөхөө өвлийн хүйтэнд ТҮЦ-гүй болсон иргэд уйлж байна. Хуулийн төсөл дээр гадаад үг их ордог. Та бүхнийг хараад байхад ч гадаад үг их хэлэх юм. Тиймээс гадаад үг хэрэглэхгүй байх тал дээр анхаараач. Амнаас гарсан зүйл чинь үндэсний дархлаа болдог юм шүү. Үндэсний үйлдвэрлэл амнаас гарч байгаа нэг монгол үгнээс эхэлнэ. Тиймээс та бүхэн дараагийн хурал дээр монгол дээлээ өмсмөөр байна. Та өөрөө үндэсний үйлдвэрлэлээ дэмжихгүй юм бол мянган удаа эдийн засаг хямарсан гэж хэлээд ч хэрэггүй. Та бүхний эхнэр оёод өгдөггүй юм бол “Нарантуул” зах дээрээс цалингаараа дээл худалдаж аваарай. Дотор чинь монгол байгаа юм бол гаднаа Монголыг бий болгооч ээ. Дээл өмсөхөд юу нь болохгүй байгаа юм. Би хоёр дахь удаагаа сануулж байна шүү” гэв.