Баян ядуу гэлтгүй бүх хүүхдэд сар болгон 20 000 төгрөг авдаг байв. Харин 2016 оны 09-р сарын 07-ны өдрийн УИХ-ын ээлжит бум чуулганы хуралдаанаар 38-р тогтоолыг батлан гаргасан. Ингэснээр амьжиргааны төвшин доогуур орлоготой өрхийн хүүхдэд бэлнээр, үлдсэнийг нь 2019 оноос олгоно. Өрхийн мэдээллийн санд бүртгэгдсэнээр амьжиргааны төвшин доогуурт багтаж байгаа 660 мянган хүүхэд байгаа бол амьжиргааны төвшин дээгүүр орлоготой айлын 400 мянга орчим хүүхэд бий. 

400 мянга орчим хүүхдийн мөнгийг  2019 онд  тухайн хүүхдийн нэр дээрх дансанд шилжүүлнэ гэдгийг  Сангийн сайд  Б.Чойжилсүрэн мэдэгдэж байлаа.  Үүнийг нь бусад яамд болон сайдууд нь баталж  бүх хүүхдэд хүүхдийн мөнгө өгнө битгий  уурлаж ундууц  гэх мэтээр тайлбарлаж байсан.  

Гэвч  2019 онд орох хүүхдийн мөнгө нөхөж олгогдохооргүй болжээ. Ийм тохироог  Засгийн газар ОУВС-тай хамтарч  гаргасан байна. Тодруулбал Засгийн газар, ОУВС-тай хамтран Өргөтгөсөн санхүүжилтийн хөтөлбөр хэрэгжүүлэхээр болсон. Тус хөтөлбөрөөс тавьж буй шаардлагын дагуу хүүхдийн мөнгөний халамж авах нийт хүүхдийн 40 хувьд олгохоор төлөвлөжээ. Үүнээс хэмнэсэн мөнгийг эмзэг бүлгийнхэнд олгох хүнсний талонд зарцуулах юм байна. Мөн 2019 онд хуримтлал хэлбэрээ олгохоор төлөвлөсөн тэтгэмжийг олгохгүй байхаар ОУВС-тай тохирчээ. Үүнийгээ баталгаажуулан 2017 оны төсвийн тодотголд “Хүүхдийн мөнгийг зөвхөн зорилтот бүлэгт олгох, ирээдүйд нөхөн олгохгүй байх;” суулгасан байх юм. Ирэх сард ээлжит чуулган хуралдана. Хуралдаанаар төсвийн тодотголыг  хэлэлцэж, батална. Ингэснээр та бидний хүүхэд 20 000  төгрөг авах боломжгүй болно.  

Ж.Эрдэнбатын  Засгийн газар удаа дараа худлаа хэлж, хуурамч амлалт өгсөөр байгаа.  үүний зөвхөн нэг жишээ нь л хүүхдийн мөнгө боллоо.  Анх хүүхдийн мөнгийг үргэлжлүүлэн олгоно гэсэн.  Тод удалгүй улсын данс улаах гээд байна хэмээн айлын хүүхдүүдийг алагчилсан. Одоо алагчилсан чигээрээ “ширлэж” олгохгүй байхаар болоод байна. Ингэж  худлаа  амлаж байхаар анхнаасаа олгохгүй гэдгээ хэл. Хэрвээ үнэхээр мэргэжлийн засгийн газар байсан бол өнөөдөр асуудал ингэтлээ муудахгүй л байсан байх.  Эдийн засгийн ХАР УХААН-тай хүнд улсынхаа санг бариулж байгаа энэ  Засгийн газрын чинь данс хэзээ улааж, хэзээ огцрохыг  таашгүй...