Замын хөдөлгөөний аюулгүй байдлыг хангах, зам тээврийн ослоос урьдчилан сэргийлэх зорилгоор Замын цагдаагийн алба, Нийслэлийн тээврийн газар болон нийтийн тээврийн үйлчилгээ үзүүлдэг аж ахуй нэгж, байгууллагууд хамтран хөдөлгөөнт хяналтын камеруудыг ажилуулж эхлээд байна.

 

Камеруудыг эхний ээлжинд нийтийн тээврийн үйлчилгээ үзүүлдэг нийт 900 гаруй том оврын автобусны 200 автобусанд байрлуулаад байна. Цаашид нийт автобус болон такси үйлчилгээ үзүүлдэг тээврийн хэрэгслүүдэд байршуулах төлөвлөгөөтөй ажиллаж байна.

Уг хяналтын камерийн тусламжтайгаар нийтийн тээврийн үйлчилгээнд явж байгаа том оврын автобуснууд болон бусад хөдөлгөөнд оролцож яваа тээврийн хэрэгслүүдийн хөдөлгөөнд хяналт тавихаас гадна гаргасан зөрчлийг баримтжуулан хариуцлага тооцох юм.

ЗАМ ТЭЭВРИЙН ОСОЛ ГАРАХАД НӨЛӨӨЛЖ БАЙДАГ ГОЛ ХҮЧИН ЗҮЙЛ НЬ ДҮРЭМ ЗӨРЧСӨН ҮЙЛДЭЛ БАЙДАГ. МУУ ЗУРШЛЫГ МАРГААШ БИШ ӨНӨӨДӨР ХЯЗГААРЛАХАД АМАРХАН.