"Монгол ялж” Халтмаагийн Баттулга Монгол Улсын Ерөнхийлөгчөөр сонгогдон ажиллаж байна. Гэвч аргаа олсонгүй юу, ажилдаа дасахгүй байна уу одоогоор дорвитой хийж, өөрчилсөн зүйл харагдахгүй л байна. Гэхдээ түүний ажлаа авмагцаа гаргасан нэг шийдвэр олон түмэнд ихэд таалагдсан нь офшорчидтой хариуцлага тооцох тухай уриалга байв.

Манай Ерөнхийлөгч өөрөө офшор данстай. Гэхдээ л түүнийгээ үгүйсгэсээр байгаад Ерөнхийлөгч болчихсон. Дараа нь офшорчдод боломж олгох гэсэн утга агуулгатай 49 хоног өгсөн юм. Харин энэ 49 хоног үндсэндээ дуусчихаад байна.

Монгол Улсын Ерөнхийлөгч Х.Баттулга уриалгадаа "Монголын нийгэмд хурцаар шүүмжлэгдэн хэлэлцэгдэж байгаа олон асуудлын нэг ньулстөрчид, төрийн албан хаагчид, тэдний хамаарал бүхий этгээдүүд офшор бүсэд данстай байх,авлига, хууль бусаар олсон мөнгө хөрөнгөө татвараас болон хууль хяналтаас нууж байршуулж байгаа явдал билээ... Офшор бүс дэхбанкуудадМонгол Улсын 49 иргэн данстай байгаа талаар Олон Улсын Эрэн Сурвалжлах Сэтгүүлчдийн Консорциум мэдээлээд байгаа юм... Монгол Улсын Ерөнхийлөгч Х.Баттулга миний бие оффшор бүсэд данстайулстөрчид, төрийн албан хаагчид, тэдний хамаарал бүхий этгээдүүдэд хандан 2017 оны долдугаар сарын 24-ний өдрөөс хойш 49 хоногийн дотор оффшор дансаа хааж, тэнд байршуулсан мөнгөн хөрөнгөө Монголынбанкиндоруулж ирэхийг уриалж байна. Дурдсан хугацаанд Монголынбанкуудруутатагдаагүй мөнгөн хөрөнгө, түүнийг эзэмшигчдийн асуудлыг холбогдох хуулийн дагуу илрүүлэн илчилж, зохих хариуцлага хүлээлгэх нь шударга ёсонд нийцнэ хэмээн үзэж байна” гэж мэдэгдсэн юм.

Энэ хугацаанд хэн нэгэн улс төрч би офшор дансаа хааж, Монголын тэр банканд хөрөнгөө байршууллаа гэж бидэнд лав мэдэгдсэнгүй. Далдуур шилжүүлэг хийгдээд Ерөнхийлөгч болоод холбогдох хүмүүс мэдэгдсэн байхыг үгүйсгэхгүй л дээ. Гэхдээ л 49 хоног өнгөрчихлөө. АТГ-аас офшор данс эзэмшдэг, тэндээ мөнгөө хадгалдаг олон хүн байна гэдгийг мэдэгдсэн байгаа. Тэгэхээр тэдгээр эрхмүүдэд олгосон 49 хоногийн хугацаа дууссан учраас одоо хариуцлагын тогтолцоо хэрэгжих ёстой биз.

Харин яаж, хэрхэн хариуцлага тооцох вэ гэдгийг манай Ерөнхийлөгч л мэддэг байх даа. Хуулийнхан нэрлээд буй офшорчид дунд өөрийнх нь нэр ч бас яваад байгааг анхаарах байлгүй дээ.

 

А.Аюуш