Нийслэлийн Засаг дарга бөгөөд Улаанбаатар хотын захирагч С.Батболд өөрийн хүсэлтээр ажлаа хүлээлгэж өгсөн. Үүнтэй холбоотойгоор МАН түүний оронд хэнийг томилохоо шийдэх шаардлагатай болсон юм.

Улмаар МАН-ын Удирдах зөвлөл НИТХ-ын дарга С.Амарсайханыг нийслэлийн Засаг дарга бөгөөд Улаанбаатар хотын захирагчид дэмжих шийдвэр гаргасан. Уг асуудлыг эцэслэн шийдвэрлэх учиртай НИТХ өнөөдөр XXI хуралдаанаа хийхээр төлөвлөөд байлаа. Өглөө хуралдахаар зарлагдсан НИТХ ирц бүрдэхгүй гэдэг шалтгаанаар  өчигдөр бүтэн өдрийг өнгөрөөлөө. Ийнхүү хуралдах эсэх нь тодорхойгүй бүтэн өдөржин болсны эцэст хотын даргыг шинээр томилох асуудлыг энэ сарын 31 хүртэл хойшлууллаа. НИТХ дахь АН-ын бүлэг хойшлуулах санал гаргасныг ийнхүү дэмжсэн юм.