СТА, жүжигчин Б.Баярсанаа "Анирлагч" киноны Хунсарын дүрээрээ олонд илүүтэй танигдсан нэгэн. Тус киноноос өмнө тэрбээр "Улаан эрэг" олон ангит кинонд тоглож байсан удаатай.

ОХУ-ын театр, урлагийн академи /ГИТИС/-ийг дүүргэсэн Монголын үе үеийн алтан уран бүтээлчдийн араас 20 жилийн дараа буюу 2007-2011 онд суралцаж төгссөн отгон төгсөгч төдийгүй тус сургуульд В.В.Путины тэтгэлгээр суралцсан азтай нэгэн. Унаган Орос хэлтэй байсан нь уг сургуульд суралцаж төгсөхөд нь ихээхэн нөлөө үзүүлсэн аж. Өнгөрөгч долдугаар сард нярайлж, хүүтэй болсон түүний нөхрийг Мөнхчулуун гэдэг бөгөөд "гэр бүл"-ийнхэн гэрэл зургаас сонирхуулж байна.