Монголын ардын урлаг тэр дундаа язгуур урлагийг дэлхийд сурталчилан таниулж, эх орныхоо нэрийг өндөрт өргөж яваа “Домог” хамтлагийн морин хуурч, Aвстрийн нэрт хөгжмийн зохиолч Ф.Шубертийн нэрэмжит олон улсын хөгжимчдийн наадмын тэргүүн байрын шагналт, МУСТА “Д.Шинэцог-гени” монголын шилдэг хөгжмийн зохиолчдын морин хуур синфони найрал хөгжимд зориулсан сонгодог бүтээлүүдээс бүрдсэн “Морин хуур мину” хэмээх концертоо Төрийн ордоны их танхимд энэ сарын 21-нд 19:00 цагаас ганцхан удаа тоглохоор болжээ.

   Тоглолтонд хөгжмийн зохиолч Монгол Улсын Төрийн шагналт, З.Хангал, Монгол Улсын Төрийн шагналт, Урлагийн Гавъяат Зүтгэлтэн Б.Шарав, Монгол Улсын Төрийн Соёрхолт Б.Мөнхболд, Олон улсын хөгжмийн зохиолчын шагналт Ш.Өлзийбаяр нарын шилдэг бүтээлүүд эгшиглэх бөгөөд урилгаар Монголын Улсын Филармонийн Симфони оркестр оролцох аж. Ийнхүү хорвоогийн хамаг явдлыг хоёрхон чавхдасаар яръдаг, хосгүй нэгэн овог Азийн цээжинд нутагтайг мэдрүүлсэн гайхалтай тоглолт болох нээ.

Хурдан хулгийн тоосонд нар мандаж хоёр чавхдасын аялгуунд хүү төрлөө...
Өнөөдрийн бидний учрах нэгэн шалтгаан нь энэ хүүгийн авъяас билэг юм...

Таныг урлагийн тэнгэр ивээг...