Гавьяатууд үзэгчдийн хүсэлтээр “Сэтгэлийн үг” тоглолтоо дахин тоглохоор болжээ
2015/04/13
МУГЖ У.Далантай. МУГЖ С.Эрдэнзцэцэг нар 23 жилийн тэртээ “Би эндээс явахгүй" Монгол уран сайхны киноны “Сэтгэлийн үг" дууг дуулж амьдруулан хамтын уран бүтээлийн анхны гараагаа эхэлж байсан билээ. Маргааш буюу энэ сарын 15-нд "Сэтгэлийн үг" тоглолтоо олондоо толилуулах гэж байгаа юм. Тэгвэл маргаашийн тоглолтын тасалбар аль хэдийнээ дууссан бөгөөд дахин тоглох болсоноо хэвлэлийн бага хурал хийх үеэрээ дуулгалаа. Тодруулбал, Энэ сарын 25-нд үзэгчдийн хүсэлтээр Монгол бөхийн өргөөнөө 20:00 цагаас дахин тоглохоор болжээ.
Энэ онд гавьяатууд 1990-ээд онд эгшиглэж байсан “Сэтгэлийн үг". “Сэтгэлийн булаг, “Мөнхрөх ч биш дээ хоёулаа". “Хайрыг хүндэтгэж яваарай", ‘Цагаан дуганы гэгээ" киноны дуу зэрэг хамтарсан бүхий л хит дуунуудаа орчин үеийн хөгжмийн найруулгаар дахин дуулж олны сонорыг мялаасан.
"Сэттэлийн үг" хамтарсан цомгоо өлгийдөн авсан бөгөөд цомогт багтсан дуунуудаараа нэгэн дор, нэгэн тайзнаа ‘СЭТГЭЛИЙН ҮГ тоглолтоороо дамжуулан өөрсдийнхөө үнэнч фэнүүдийн санасан, хүлээсэн сэтгэлийн цангааг тайлах гэж байна.
Тэдний гавьяа алдрыг дурдвал, У.Далантай Завхан аймгийн Тосонцэнгэл сумын харьяат. 1998 онд МУСТА, 2000 онд Аптан гадас одон, 2004 онд МУ-ын ерөнхийлөгчийн зарлигаар МУГЖ цол тэмдгээр шагнуулсан. 2001-2009 онд ДБЭТ-ын гоцлол дуучнаар ажилласан.
Дуучин С.Эрдэнэцэцэг Нийслэлд төрж өссөн ч аав ээжийн төрсөн нутаг Төв аймгийн Лүн сумаар овоглодог. Тэрбээр 1997 онд МУСТА, 2001 онд Алтан гадас одон, 2005 онд МУ-ын ерөнхийлөгчийн зарлигаар МУГЖ цол тэмдгээр шагнуулсан. Одоо ҮДБЭЧ-ын гоцлол дуучин билээ.
Гавьяатуудын "Сэтгэлийн үг" тоглолтын онцлог нь 1980 оноос хойш 10 жил тутам үзэгчдийг байлдан дагуулж байсан нийтийн дууны 5 хос бүрдлийн 25-30 орчим хит дуу эгшиглэх юм.
Тоглолтонд урилгаар Зууны манлай хос дуучин МУГЖ С.Вандан, МУГЖ Д.Дуламсүрэн, МУГЖ С.Жавхлан, Г.Эрдэнэчимэг, МУСТА Д.Хишигбаяр, МУСТА РДэлгэрмаа, Дуучин Б.Болд, Э.Чулуунчимэг нар оролцож үзэгч түмэнтэй хамтдаа дуулах бопно.
Дашрамд дуулгахад, аялан тоглолтоо 4 сарын 16-нд Төв аймаг , 17-нд Зүүн хараа. 18-нд Дархан хот, 19-нд Сэлэнгэ аймаг. 20-нд Хөтөл, 21-нд Булган аймгийн Хялганат тосгон, 22-нд Эрдэнэт хотноо тус тус хийх гэнэ.
Тоглолттой холбоотой мэдээллийг 9999-8070, 8888-8070, 9696-8070 дугаарын утаснаас лавлах боломжтой.
Та бүхнийг урлагийн Янжинлхам бурхан ивээх болтугай
