Дорноговь аймгийн Замын-Үүдийн боомтоор энэ сарын 22-ны өдөр Монгол Улсад 10 жилийн хугацаанд дахин оруулахгүйгээр /2007 онд албадан гаргагдсан/ БНХАУ-ын иргэн Т гэгч нэрээ сольж хууль бусаар  хил нэвтрэхийг завджээ.

Уг хэргийг Иргэний харьяалал, шилжилт хөдөлгөөний ерөнхий газрын шалгагч илрүүлэн, албадан нутаг буцаасан аж.

Мөн тус боомтоор дөрөвдүгээр сарын 21-ний өдөр Монгол Улсын иргэн С нь биедээ 6 кг хуш модны самар нуун  хил хяналтын байгууллагуудын шалгалтаас зайлсхийн хил нэвтрэх гэж байхад нь Иргэний харьяалал, шилжилт хөдөлгөөний ерөнхий газрын албан хаагч илрүүлэн, холбогдох байгууллагад нь хүлээлгэн өгсөн байна..