Түймэртэй аймгуудад хур бороо оруулж чадлаа
2015/04/30
Цаг уур, орчны шинжилгээний газрын Цаг агаарт зориудаар нөлөөлөх албаныхан үйл ажиллагаагаа идэвхижүүлсэн. Учир нь нийт нутгаар хуурайшилт эрс нэмэгдэн улмаар түймэр газар аваад байгаа юм.
Хэнтийн Дадал, Норовлин, Дорнодын Баян-Уул сумын нутагт 2-3 экспедиц очоод үүл хүлээж байгаа аж
Төв аймгийн хоёр экспедиц 29-нд Сэргэлэн сумаас баруун урагш үүл тосч нөлөөлөл үзүүлснээр зүүн талын сумдууд болон Улаанбаатар хот орчмоор 2.0-7.0 мм бороо орлоо.
Харин Хэнтий аймгийн гурван экспедиц Жаргалтхаан, Цэнхэрмандал, Өмнөдэлгэр сумын зааг, Баянмөнх, түймрийн голомт бүхий Баян-Адарга, Дадал, Норовлингийн чиглэлд үүл угтаж гараад ажиллагаа явуулахад бэлэн байдалд байгаа аж. Өглөө эрт нэг удаа нөлөөлөл үзүүлснээр Өмнөдэлгэр, Биндэр,
Батноров, Цэнхэрмандал сумдын нутгаар 1.0-5.0 мм бороо оржээ. Энэ ажлын үр дүнд Өмнөдэлгэр сумын нутагт одоо бороо үргэлжлэн орж байна.
Ирэх сарын 1-нд баруун болон төвийн нутгийн зарим газраар, 2-нд төв, зүүн зүгийн нутгийн ихэнх нутгаар, 3-нд говь болон зүүн зүгийн нутгийн хойд хэсгээр хур тунадас орно гэж Урьдчилан мэдээлэх төвөөс мэдээлж байгаа юм.
Түймрийн гамшиг хамгийн ихээр нүүрлээд буй Хэнтийн Дадал, Норовлин, Дорнодын Баян-Уул сумын нутагт 2-3 экспедиц очоод үүл хүлээж байгаа аж. Тэдний тооцож буйгаар өнөө шөнөдөө дээрх нутаг дэвсгэрт үүлэнд нөлөөлөх бололцоотой юм байна.
Зочин · 2015/05/01
Бороо орууллаа гэж юу ******аад байгаа мал нар вэ ? ичих нүүр гэж байдаг луйварчид уу ? Гал нь гараад хүн амьтан нь шатаж байхад наа БОРОО чинь хаана байсан юм бэ ? Хур тунадас тааруулж хэд нулимчаад бүр хөлдүү арчаагүй хэлэх ч ****** үг алга.
Зочин · 2015/04/30
Энэ одоо яадаг юм болоо өөрөөрөө орж бгаа юм бх гхээр буудсан болчих юм Яандаа тэнгэр хангай хилэгнэх вий дээ Буудаад бх ч онц биш л бх даа Олон мал сүрэг газар нутаг сүйрээд бхаар бас хэцүү юм Бурхан минь буруу зовийг шүүнэ буй зэ Монгол түмэнг минь өршөөн зөөлөн шүүгээрэй
Зочин · 2015/04/30
Энэ залилангийн бизнес, чадаж байгаа юманд яахав гээд төсвийн олон тэрбум төгрөгийг идэх юмдээ. Бороо орох газар очоод л тэнгэр лүү пуужин буудаад л болоо. Бороо яг орохын өмнө л буудна. Дусалж байвал бүр сайн. Түймэр гарч байгаа үед болохоор үүлгүй байна гээд бултчихна. Би ч гэсэн өнөөдөр Улаанбаатарт бороо орно гэдгийг өчигдөр орой тэнгэр лүү хараад мэдчихсэн байхад харин эд нар байгалын үзэгдлээс хүртэл мөнгө саачих юм даа.