Үзэгчдийн дунд хүлээлт үүсгээд байсан  "Хар Сувдны Нууц" инээдмийн уран сайхны кино өнөөдөр тайлагдана. Тус киноны нээлт Өргөө 16:30 цагт, Тэнгис 20:30 цагт нээлтээ хийж үзэгчдийн хүртээл болохоор товоо зарлалаа.

Нээлтийн үеэр кино группын зүгээс олон нийтийн дунд явуулсан  "Vine" бичлэгийн азтанг зарлаж I phone 6S-ийг гардуулна. 

Тус кинонд Монголын түүхийн үнэт олдвор Вьетнамд олдож түүнийг эх орондоо авчирах нууц захиалга авсан 4-н хулгайч Вьетнамыг зорино. Үзэсгэлэнт үнэг Цоомоо,бүтэлгүй мухар Ганбаа,дүлий Чинбаа,генерал Батаа нарын хар сувдны төлөөх эцэс төгсгөлгүй өрсөлдөөн алс холын Вьетнамд өрнөнө. Тэдэнд захиалга өгсөн нууц ноёнтон хэн болох нь тодорхойгүй...талаар өгүүлнэ. 

Адал явдалт, инээдмийн киноны найруулагчаар Б.Тамир, Зохиолчоор Б. Тамир, Р. Эрхэмбүрэн нар ажилласан байна.  Гол дүрүүдэд жүжжигчин Г.Алтаншагай, Д.Дэлгэрсайхан, М.Баярбат, Загвар өмсөгч М.Намуунцэцэг нар тогложээ.

Бүх насныханд зориулсан "Хар сувдны нууц"-ыг Уужим фильм, F Студио, MIM Филмд бүтээсэн юм.

Ганцхан хоногийн дараа буюу маргаашийн нээлтэнд   Дуучин Хишигдалай,  Зоригт,  Дуучин Баярцэнгэл, Fire хамтлаг, L-Guards хамтлаг оролцохоос гадна үзэгчдийг гэнэтийн олон бэлгүүд хүлээж байгаа гэдгийг дуулгахад таатай байна. 

Дашрамд дуулгахад,  "Хар Сувдны Нууц" нээлтийг сурвалжлахыг хүсвэл 8900-4147 утсаар холбогдож мандат авах боломжтой.

Д.Ана