УИХ-ын гишүүн Л.Оюун-Эрдэнэ "60 тэрбум"-ын гэх хэргээр нээлттэй сонсгол явуулахыг УИХ-ын даргаас удаа дараа шаардаж, улмаар УИХ-ын ээлжит бус чуулган хуралдуулах шаардлага гаргаад буй билээ.

Уг шаардлагад : “төрийн албыг арилжаалсан “60 тэрбумын” зэрэг авлига, албан тушаалын томоохон асуудлууд Авлигатай тэмцэх газарт очоод замхран дарагддаг, тус газрын дарга Х.Энхжаргал авлигатай тэмцэх үүрэг бүхий төрийн тусгай байгууллагын хуульд заасан чиг үүргийг хэрэгжүүлэн ажиллаж чадахгүй байгаа тул цаашид уг албан тушаалыг хаших боломжгүй гэж үзэн Монгол Улсын Их Хурлын 2016 оны 07 дугаар сарын 08-ны өдрийн 07 дугаар тогтоолыг хүчингүй болгох асуудлаар Улсын Их Хурлын ээлжит бус чуулганыг зарлан хуралдуулах шаардлага" гэсэн билээ.

Өөрөөр хэлбэл тэдний шаардлага "60 тэрбум"-ын асуудлыг шийдэх бус АТГ-ын дарга Х.Энхжаргалыг огцруулах болж хувирсан байна.

Үүнтэй холбогдуулан өчигдөр АТГ Л.Оюун-Эрдэнэ гишүүнд гомдол гаргасан бичгийг УИХ-д хүргүүлжээ. Мөн УИХ-ын ээлжит бус чуулган хуралдуулж, АТГ-ын дарга Х.Энхжаргалыг огцруулах санал гаргасан УИХ-ын гишүүдийн нэрс ч ил болов. Хачирхалтай тэдний дунд Эрчим Хүчний Сайд Ц.Даваасүрэн, Эрүүл Мэндийн Сайд Д.Сарангэрэл, Уул Уурхай, Хүнд үйлдвэрийн сайд Д.Сумьяабазар,  Байгаль Орчин, Аялал Жуулчлалын Сайд Н.Цэрэнбат нар багтжээ.

sonin.mn

УИХ-ын гишүүн Л.Оюун-Эрдэнээс УИХ-ын дарга М.Энхболдод 2018.07.10-ны өдөр хүргүүлсэн шаардлага