Мянга мянган үзэгчид, кино сонирхогч, хүүхэд залуусыг бүтэн 3 жилийн турш  хүлээлгэн байж “Анхаар Дотор Чимээгүй” хэмээх уран сайхны кино өчигдөр нээлтээ хийлээ. Тус киноны хувьд сүүлийн үед нээлтээ хийж буй кинонуудаас онцлох зүйлс арвинтай юм. Учир нь тус киноны "Үнэтэй" хэмээх сүлд дуу нь 2 жилийн өмнө хит болж байсан, кино бүтэн 3-н жилийн турш хийгдсэн гэх мэт сонирхолтой зүйлсээр дүүрэн. Ийнхүү онцлогоор дүүрэн тус киног, Кино урлагийн дээд сургуулийг 2008 онд МУГЖ Б.Жараглсайхан багшийн удирдлаганд төгссөн нэг ангийн залуус “АNT ENTERTAINMENT"-ийг байгуулан “Сrystal optic studio”-той хамтран бүтээсэн юм.

   “Анхаар Дотор Чимээгүй” төлөвлөгөө ёсоор гурван сарын дотор киног хийж дуусгах зорилготой байсан ч анхны зураг авалтаа эхлүүлсэн  2011 оны 8 сараас хойш ийнхүү гурван жилийн дараа буюу 2014 оны 2 сарын 14 нд албан ёсоор нээлтээ хийлээ.

  Иинхүү эрхэм үзэгчид, кино сонирхогч та бүхнийг киноны уран бүтээлчдийн өөрсдийнх нь амьдралын бодит байдлыг үзүүлэх “Анхаар дотор чимээгүй“ уран сайханы киног үзэж сонирхоорой хэмээн хүсэж байна. Ингээд та бүхэндээ киноны нээлтийн фото сурвалжлагаа толилуулъя.

 
Та бүхнийг урлагийн тэнгэр ивээг...