Өнөөдөр цахим орчинд "Бүргэдчин охин" нэрээр олны танил болсон Айшолпаны талаар нэгэн мэдээлэл гарсан билээ. Казахстан бол миний эх орон хэмээх гарчигтай тус мэдээлэл нь орчуулгын алдаатай буруу ташаа ойлголт төрүүлсэн мэдээлэл хэмээн тэрбээр өөрийн биеэр тайлбар хийснийг хүргэж байна.  

Сайн байцгаана уу миний монголын ард түмээн. Хэд хоногийн өмнө миний бие Казахстан улсын ерөнхийлөгч Нурсултан Назарбаевын залуучуудтай хийсэн уулзалтын үеэр Казахсан улсыг АТАМЕКЕН буюу миний өвөг дээдсийн төрсөн нутаг гэж хэлсэн үгийг минь гуйвуулж Казахстан миний эх орон гэж хэлсэн мэтээр бусдад ташаа мэдээлэл түгээжээ.

Миний эх орон Монгол.Би Монголд төрж өссөн казах охин. Би энэ сайхан оронд төрж өссөндөө цаг үргэлж бахархаж явдаг гэдгийг та бүхэндээ хэлмээр байна. Буруу ташаа мэдээлэл тараасан өнөөдрийн үнэн сонин болон sonin.mn сайтын хамт олонд нийтлэлдээ залруулга хийхийг хүсэж байна.