Хишигбаярын Оюун-Эрдэнийн "Гуталчин ингэж хэлэв" лекц өнөөдөр 19:00 цагаас "UB PALACE"-ийн их танхимд болно. 

Тэрбээр "Би траншейны архичин байсан бүхнийг тэгээс эхэлсэн" гэж илэн далангуй ярилцсан нэвтрүүлгийг өмнө уншигч та бүхэндээ хүргэсэн билээ. Түүний үзэж туулсан бүхэн ухаарал, хайртай хоршиж хорвоо дээрх хамгийн гайхамшигтай амьдралыг түүнд заяажээ. Тэрбээр Эрдэнэт хотын “Наалдан пад” гутлын салоныг үүсгэн байгуулаад зогсохгүй үргэлжлэх амьдралын уртад “Суу-Ариг” гутлын үйлдвэрийг хүртэл нээн ажиллуулж олон хүнийг ажлын байраар хангасан ачтай буянтай сайхан ажил хийж яваа нэгэн.

Ухаарлын зам дэндүү урт байсан хэдий ч Уужим буурал хорвоод хийж бүтээх үйлс нь дардан байлаа. Энэхүү тэрбээр өөрийн туулж өнгөрүүлсэн амьдралын тухай, хэрхэн архинаас гарч байсан тухайгаа олон түмэнтэйгээ хуваалцахаар болж "Гуталчин" ингэж хэлэв лекцээ зохион байгуулж байгаа юм.

Тус лекцийн тасалбарыг "UB PALACЕ"-ын кассаар худалдаалж байгаа бөгөөд үнэгүй хүргэнэ. Тасалбарын үнэ: 10.000 төгрөг.

Илүү дэлгэрэнгүй мэдээллийг авахыг хүсвэл, 8867-5588, 9111-6011 дугаарт холбогдоорой.