Өнгөрөгч амралтын өдрүүдээр Сүхбаатар дүүргийн 1 хороо DHL компанийн байранд хэсэг этгээдүүд покер тоглож байгаад баригдсан байна. 

Мөрийтэй тоглож байсан этгээдүүдийн дунд “Мунзуй” хочит Г.Нямдорж нар байсан гэдгийг эх сурвалжууд хэлж байна.  

Тэд өмнө нь гэмт хэрэгт сэжиглэгдэн шалгагдаж байсан бөгөөд  зарим нь нь ял шийтгэл эдлэж явсан ажээ. Тодруулбал “Мунзуй” хочит Г.Нямдорж   нь “Центрпойнтын хэрэг”-ийн үеэр  бусдын амь насанд  халдахыг завдсанаар найман жилийн ялаар шийтгүүлж байжээ.

Цагдаагийн байгууллагаас сэжигтнүүдийн биед болон тээврийн хэрэгсэлд хийсэн нэгжлэгээр дунд гарын сүх, хутга зэрэг хүйтэн мэс, мөрийтэй тоглоомын зориулалтын хясаа, цүнх сав суулга, их хэмжээний мөнгө зэргийг хураан авсан байна. Үүнээс гадна  юу нь үл мэдэгдэх бодис хурааж авсан бөгөөд одоогоор үүнийг лабраторит шинжлүүлж байгаа юм байна.

Өдгөө энэ хэргийг Сүхбаатар дүүргийн цагдаагийн 2-р хэлтэст шалгаж байгаа ажээ.  

А.Баярмаа