Эцэг эхээс хууль бусаар хураасан мөнгийг буцаан олгожээ
2014/04/10
МХЕГ-аас улсын үйл ажиллагаа явуулж буй сургуулийн өмнөх боловсролын байгууллагуудад төлөвлөгөөт хяналт шалгалтыг хийж байгаа билээ.
Энэхүү шалгалтын явцад нийслэлийн Сүхбаатар дүүргийн 160 дугаар цэцэрлэг зарим эцэг эхчүүдээс бэлэн мөнгө хураан авч байгааг шалгаж өгөх хүсэлт ирсэний дагуу хянаж үзэхэд Боловсролын тухай хуулийн 40 дүгээр зүйлийн 40.7–т заасны дагуу хуульд заагаагүй төлбөр хураамж авсан болох нь тогтоогдсон тул 2014 оны дөрөвдүгээр сарын 05-ны дотор буцаан олгох шийдвэр гаргасан юм.
Уг шийдвэрийн дагуу тус цэцэрлэгийн удирдлага хууль бус хураан авсан бэлэн мөнгийг эцэг эхчүүдэд буцаан олгож, цаашид хууль бус төлбөр хураамж авахгүй байхыг нийт багш нартаа үүрэг болгосон байна. Тус цэцэрлэгийн эцэг эхийн зөвлөлийн хурлаас бүлгүүдийг камержуулах санаачлага гаргаж, нийт 320 хүүхдээс 226 нь дэмжсэн санал гаргаснаас 97 хүүхдийн эцэг эхүүд бэлнээр 2,788,000 төгрөгийг эцэг эхийн зөвлөлд хураалгасан байсан юм.
Цаашид эцэг эх, асран хамгаалагчдаас хуульд заагаагүй төлбөр хураамж авахгүй байх, байгууллагынхаа үйл ажиллагаанд дотоод хяналт шалгалтаа сайжруулахыг Мэргэжлийн хяналтын байгууллагаас нийт цэцэрлэгийн удирдлагуудад зөвлөж байгаа хэмээн хэвлэл мэдээллийн албанаас мэдээллээ.
Х.Даваа
зочин · 2014/04/16
Хөдөө орон нутагт ч гэсэн шалгалт хийвэл их юм гарна даа. Өвөрхангай аймгийн Арвайхээр хотын 7-р цэцэрлэгийн багш ангидаа зурагт авах, хивс авах нэрээр хүүхэд бүрээс 100000 төгр авсан шүү дээ. Аймгийн 70321111 дугаарт хандсан боловч асуудлыг шийдээгүй. 1-2 эцэг эхээс саналаараа өгсөн гэж **********лээд л өнгөрсөн. Эцэг эхчүүд хүүхдийг маань ад үзэх байх гээд өр тавиад л өгч байгаа шүү дээ. Сайд Гантөмөр энэ асуудлыг яаж шийдэх юм бол.
Зочин · 2014/04/12
Xvvxeddee 30.000 togrog zartsuulchij chadaxgui chaavaas daa.xvvxdiix ni l toloo camerjulax gej bxad malnuud ve