Улсын Онцгой комисс өнөөдөр цахимаар хуралдаж, зарим шийдвэрийг гаргажээ. 

Тодруулбал, чийрэгжүүлэлтийн төв буюу фитнес, бассейныг үйл ажиллагааг зургаадугаар сарын 25-наас эхлэн 10 хоног хязгаарлахаар болсон байна.

Харин хот хоорондын хөдөлгөөнийг зогсоохгүй, хатуу хөл хорио тогтоохгүй байхаар шийдвэрлэжээ.

Албан мэдээ: /2021.06.23. 22:28 цаг/

Улсын Онцгой комиссын ээлжит хуралдаан болж, дараах шийдвэрүүдийг гаргалаа. Бялдаржуулах төв буюу фитнесс, бассейны үйл ажиллагааг энэ сарын 25-ны өдрөөс эхлэн 10 хоногийн хугацаанд хязгаарлахаар боллоо.

Мөн үйл ажиллагаанд нь тодорхой хязгаарлалт тогтоосон хоол үйлдвэрлэл, үйлчилгээний газар (ресторан, кафе, сүлжээ хоолны газар, түргэн хоолны газар, кофе шоп, цайны газар, буфет, явуулын үйлчилгээтэй хоолны газар)-ын танхимын болон гадна талбайн үйлчилгээ, амралтын газар, жуулчны баазын үйл ажиллагааг үргэлжүүлэн 10 хоногоор сунгаад байна.

Өнөөдрийн байдлаар 19 аймгийн 179 суманд хөл хорио тогтоогоод байгуу тул Улаанбаатар хотоос гарах хөдөлгөөнд хязгаарлалт тогтоогоогүй. Тухайн аймаг, сумын шийдвэрийн дагуу иргэд орон нутагт зорчино гэж УОК-ын Шуурхай штабаас мэдээллээ.