Б.Хурц, Д.Дамба-Очир нарын 13 хүн Ерөнхийлөгчийн уучлалаар суллагджээ
2021/06/25
Монгол Улсын Ерөнхийлөгч Х.Баттулга уучлал үзүүлэх зарлиг өчигдөр буюу 2021*06*24-нд гаргаснаар нэр бүхий 13 хүн суллагджээ.
Тэдэн дунд Тагнуулын ерөнхий газрын дарга асан Б.Хурц, УИХ-ын гишүүн асан Д.Дамба-Очир нар байгаа аж. Харин бусад нь анх удаа хөнгөн гэмт хэрэг үйлдсэн хүмүүс болон өрх толгойлсон эмэгтэйчүүд болохыг эх сурвалж хэллээ.
Б.Хурц нь төр нийгмийн нэрт зүтгэлтэн С.Зоригийн амийг хороосон хэрэгт холбогдсон хүмүүсийг шалгахдаа эрүүдэн шүүсэн хэрэгт буруутгагдан шүүхээс нэг жил зургаан сарын хорих ял сонссон. Харин Д.Дамба-Очир УИХ-ын гишүүнээр ажиллах хугацаандаа албан тушаалын байдлаа ашиглан Жижиг, дунд үйлдвэрийн дэмжих сангаас хамаарал бүхий этгээдийнхээ компанид нэн хөнгөлөлттэй зээл авч өгсөн хэргээр гурван жил зургаан сар хорих ял шийтгүүлсэн юм.
Ийнхүү Ерөнхийлөгч Х.Баттулга бүрэн эрхийнхээ сүүлчийн өдөр зарлиг гаргаж, дээрх хүмүүсийг суллажээ.
зочин · 2021/06/26
Alban тушаалын хэрэг өршөөлд хамрагдахгүй гэвэл хуулв бус өршөөл болжээ.
Иргэн · 2021/06/26
Нэг тал нь ЖДҮ-чидээ дарга болгож байхад нөгөө тал нь уучлал үзүүлэх нь адилдаа адил гэж л хэлж болмоор юмаа даа. Уул нь хоёулаал ЖДҮ-тэй тэмцэнэ, хариуцлага тооцоно гээд байсан биш бил үү. Хэнийг нь өмөөрч, хэнийг нь муулалтай билээ.
иргэн · 2021/06/25
Х.Баттулга том дарга байсан ялтангуудыг уучилж, спортын бараг бүх тамирчин,арын хаалганыхаа бүх хүнд баатар,гавъяат цол өгснөөр монголд баатар, гавъяатаараа дэлхийд 1-рт орох болов.