Спутник V вакцины нэгдүгээр тунг хийлгэсэн иргэд хоёр дахь тунгийн нийлүүлэлтийг хүлээж байгаа. Тэгвэл уг вакцин маргааш буюу 2021*06*30-нд  ирэхээр болжээ.

Энэ талаар Гадаад харилцааны яамнаас “Спутник V вакцины 10 мянган ширхэг хоёр дахь тунг маргааш буюу зургаадугаар сарын 30-ны өдөр, үлдэх 10 мянган тунг долдугаар сарын эхний хагаст ирүүлэхээ Орос талаас илэрхийлсэн” гэсэн мэдээллийг өглөө.

50 мянган иргэний II тунгийн вакцин хүлээгдэж буйг ХӨСҮТ-өөс мэдэгдэж байв. ОХУ-аас Спутник V вакцины хоёр тунгийн хоорондох зай 21-90 хоног гэдгийг зарласан билээ