Сошиал хэрэглэгчид Ч.Ганжавхланг андахгүй танина. Тэрбээр өнөөдөр цахим хуудастаа нэгэн анхааруулга постыг оруулав..

Зүрхээр явчих шахлаа Хүмүүс тэгж их ярьдаг тээ "Зүрхээр явчих шахлаа" ... Мань чинь өчигдөр Солонгосчуудаа нисэх буудал хүргэж өгөх гээд машин барьж явахда бараг л зүрхээр явчих шахлаа. Хөдөө майхан савтай машин тэрэг барьж нэлээн ядарч яваад шөнө олигтой унтаагүй өглөө өрвийсөн юм босож ирснээ нисэх явах замд үүрэглээд байж магадгүй гээд тэгэж болохгүйг мэддэг хэрнээ өлөн элгэн дээрээ хоёр аяга кофе дараалаад чанаад уучихав. Ер нь ч ойрд зүрхний хэм алдаад долоогоны ханд энэ тэр хармаалж яваад байсан юм.

Тэгсэн хөдлөөд нисэх орохын даваан дээр хамаг бие салганаж зүрх дэлсээд бүр утгаараа зүрхээр явах шахдаг юм даа. Түр машинаа зогсоож Солонгос найзууддаа хэлж байж хэсэг урт амьсгалж жаахан ус  ууж байж арай гэж нисэх оров ш дээ.

Жуулчдаа явуулчихаад аяга халуун цай ганцаараа уугаад, литр литрээр нь кофе ууж явсан залуу насаа бодоод, гадаа хийсэх салхиийг ширтэн насны намраа бодоод хэсэг эморч суув ш дээ. Тэгээд та бүхэндээ хэлэхэд би хэдийгээр кофены бизнес эрхэлдэг хүн боловч аливаа зүйлийг хэтрүүлэн хэрэглэх, тэр буруу зуршлаа удаан хугацаанд давтах нь танд эсрэг нөлөө авчирна шүү. Ер нь бол байнга сайн алхаж байх, зөв хооллох, магадгүй хаяа лифтээр биш шатаар гарч байх, зүрхэнд халтай бүтээгдэхүүн хэтрүүлэн хэрэглэхгүй байх, дасгал хөдөлгөөн сайн хийж байх нь хэрэгтэй гэж байна шүү. Ер нь нэг эмчид үзүүлчихэд гэмгүй юм шиг байна шүү. Өөр мэддэг тустай зүйлс байвал мэргэн ард минь комментоор бичиж үлдээгээрэй. Ер нь тэгээд залуу хүмүүс ойрд эвгүй бна шүү. Нэг өглөө л нэг эмгэнэлийн пост харах юм.