Засгийн газрын ээлжит хуралдаанаар өчигдөр шар усны үерийн эрсдэлээс урьдчилан сэргийлэх хүрээнд шаардагдах төсвийг баталсан тухай мэдээлсэн билээ.

Тэгвэл Шадар сайд С.Амарсайхан "Хаваржилтыг хүндрэл багатай даван туулах, шар усны үер болон халиа тошин үүсэх зэрэг болзошгүй эрсдэлээс урьдчилан сэргийлэх ажлыг зохион байгуулах зорилгоор 11 тэрбум төгрөгийг шийдвэрлэсэн" хэмээн мөнгөн дүнгийн талаар өөрийн цахим хуудсандаа бичжээ. 

Түүнчлэн Засгийн газар, Улсын Онцгой Комисс(УОК)-оос хаваржилт хүндэрсэн 12 аймагт нийт 6,447 тонн тэжээлийн буудайг малчдад хүргэсний зэрэгцээ 60 сумын Эрүүл мэндийн төвд туулах чадвар сайтай автомашин олгох 9.6 тэрбум төгрөгийг шийдвэрлэн, эхний 11 аймгийн 12 сумын түргэн тусламжийн машин олгоод байгаа юм.