УИХ-ын ээлжит сонгуулийг өчигдөр /2024.06.28/ орон даяар зохион байгуулсантай холбогдуулан төв, орон нутгийн Онцгой байдлын байгууллагын алба хаагчид гол, мөрнөөр гарах шаардлагатай иргэдийг зөөвөрлөх, аюулгүй байдлыг хангаж ажиллажээ.

Тодруулбал, Архангай, Баян-Өлгий, Хэнтий, Булган, Өвөрхангай, Сэлэнгэ, Төв, Хөвсгөл зэрэг найман аймгийн 14 сум, нийслэлийн Налайх дүүрэгт нийт 1752 санал өгөх иргэнийг завиар зөөвөрлөсөн юм. Үүнтэй холбогдуулан Онцгой байдлын ерөнхий газрын Шуурхай штабаас орон нутгийн шуурхай штабуудыг удирдлага, зохион байгуулалтаар ханган ажиллалаа.

Дашрамд дурдахад, сүүлийн 21 хоногийн хугацаанд 20 гаруй хүн усны ослоор амь насаа алдсан байна. Гол, усанд амь насаа алдсан иргэдийн дийлэнх хувийг сэлэхээр ороод живсэн, согууруулах ундаа хэрэглэсэн үдээ гол, усанд орсон, бага насны хүүхдийг хараа хяналтгүй орхисон, автомашинтай, морьтойгоо гол гаталж яваад эндсэн зэрэг шалтгаанууд эзэлж байна.