УИХ-ын ес дэх удаагийн сонгуулиар байгуулагдсан парламентын анхдугаар чуулганы хуралдааныг нээж Монгол улсын Ерөнхийлөгч У.Хүрэлсүх үг хэллээ.

Энэ удаагийн парламент 126 гишүүнтэй болж буйгаар түүхэн парламент болж байна. Ийнхүү түүхэн парламентын анхдугаар чуулганаар дараах асуудлыг хэлэлцэх юм.

УИХ-ын дэгийн тухай хуулийн дагуу УИХ-ын дарга сонгогдох хүртэл хуралдааныг хамгийн ахмад гишүүн даргалах ёстой. Энэ дагуу энэ удаагийн парламентад сонгогдсон хамгийн ахмад гишүүн Д.Рэгдэл Анхдугаар чуулганыг даргалж байна.

• Шинээр сонгогдсон гишүүдийг тангараг өргүүлж, бүрэн эрхийг нь хүлээн зөвшөөрөх;
• Улсын Их Хурлын даргыг сонгох;
• Нам, эвслийн бүлэг байгуулсан тухай мэдээллийг Улсын Их Хурлын даргад бичгээр ирүүлснийг сонсох;
• Улсын Их Хурлын дэд даргыг сонгох;
• Байнгын болон дэд хороодын бүрэлдэхүүнийг баталж, Байнгын хорооны дарга нарыг сонгох;
• Ерөнхий сайдыг томилох;
• Засгийн газрын бүтцийн тухай болон Засгийн газрын бүрэлдэхүүний тухай хуулийн төслийг хэлэлцэн батлах;
• Засгийн газрын гишүүдийг томилох тухай Ерөнхий сайдын танилцуулгыг сонсох;
• шинээр томилогдсон Засгийн газрын гишүүдийг тангараг өргүүлэх;
• Улсын Их Хурлын чуулганы хуралдааны дэгийг шинэчлэн тогтоох эсэх асуудлаар шийдвэр гаргах.