Тасалбарыг “UB PALACE”-ийн билетийн касс, “HI-FI” хөгжмийн сүлжээ дэлгүүр болон 1900-1617 утсаар үнэгүй хүргэнэ

“UBS” телевизийн бүтээл “Universe Best Songs” дуу хөгжмийн наадам 7 дахь жилдээ амжилттай үргэлжилж байна. “Боломж үргэлж бидний гарт” уриатай энэ жилийн наадамд авъяас билэг, ур чадвараараа шүүгчдэд өндрөөр үнэлэгдсэн шилдэг 21 оролцогч тодорсон бөгөөд тэд гала концертоо тун удахгүй үзэгч олондоо толилуулна.

Энэ жил “Universe Best Songs” наадмын тайзыг газар газраас 800 гаруй авьяас билэгтнүүд зорин ирж аялгуу эгшиг, өнгө будаг нэмэн үзэгч түмний сонорыг мялаасан бол яг өдийд шилдэг 21 оролцогч тунан үлдэж, шилдэг дуулалтаа монголын урлагийн томоохон тайзнаас үзэгчдэд мэдрүүлэхээр бэлтгэж байгаа юм. Шилдгүүдийн дуулалтыг дэргэдээс нь сонсож, харж, мэдрэх гала концерт 6-р сарын 10, 11-нд “UB PALACE”-ийн концертын их танхимд 2 өдөр зохион байгуулагдах юм. Уламжлал ёсоор эхний өдөр шилдэг оролцогчид үзэгчиддээ бэлдсэн дуу, бүжиг, гэнэтийн бэлэг бүхнээ задлах бол дараагийн өдөр 2015 тодотголтой тэмцээн уралдааны Гран-При шагналтан хийгээд удаах байрын шагналтнуудыг тодруулж, шагнал гардуулах ёслолын үйл ажиллагаа тоглолтын хамт зохион явагдахаараа онцлогтой.

Үзэгчдийн хувьд, хамгийн хүсэн хүлээлттэй байдаг гала концерт дөхсөн энэ өдрүүдэд тоглолтын тасалбар ч худалдаанд гараад байна. Энэ жил тасалбарынхаа үнийг бууруулж, хэн ч үзэхэд боломжтой, тохиромжтой үнийг тогтоожээ. Харин тасалбарыг “UB PALACE”-ийн билетийн касс, “Hi-Fi” хөгжмийн сүлжээ дэлгүүрийн бүх салбараар болон хүргэлтээр 1900-1617 утсаар захиалах боломжтой. Мөн байгууллага, хамт олны захиалгыг 8815-1052 утсаар авч байна. Дэлгэрэнгүй мэдээллийг 1900-1951 утаснаас лавлаарай.

Монголын дуу хөгжмийн ертөнцөд ямархан уран бүтээлчид төрөн гарч ирж байгааг үзэгч та 6-р сарын 10, 11-нд “UB Palace”-ийн концертын их танхимд зохион байгуулагдах гала концертоос тольдон үзээрэй. Дуу хөгжмийн хамгийн сайхан аялгуу, дуунуудыг зөвхөн шилдгүүд эгшиглүүлэх болно.