Австралийн Сидней хотноо нэгэн бүсгүйг хүчиндэж, эд зүйлcийг нь дээрэмдсэн хэрэг гарсан бөгөөд уг хэрэгт Монгол улсын иргэдийг сэжиглэн шалгаж байгаа юм байна.

Тодруулбал, Монгол залуус Backpage.com.au сайтаар дамжуулан хохирогч бүсгүйтэй секс хийхээр тохирч, уулзсан газраа хутга хэрэглэн, бүлэглэн хүчиндэж, дээрэмджээ.

Хэрэгт 21 настай Т.Б, 22 настай А.Т нарыг сэжиглэн саатуулаад байгаа бөгөөд тэдний нэг нь Австрали улсад оюутны түр оршин суух визатай  байжээ.

Түүнчлэн хэрэг гарсны дараа нэг сэжигтэн нь эх орон руугаа буцахаар онгоцны билет захиалан явахаар төлөвлөж байсан аж.

Хэрэг гарснаас 3 хоногийн дараа тэднийг саатуулсан бөгөөд одоогоор батлан даалтад гаргаагүй байгааг http://www.smh.com.au/ сайт мэдээлжээ.