Татварын байцаагч бүсгүйн амийг хэрцгийгээр хөнөөсөн Ц.Туяаг шүүх хурал өнөөдөр болно. Энэ хэргийг шүүх хурал аравдугаар сарын 2-нд болох ёстой байсан ч өмгөөлөгч нь ирээгүй гэх шалтгаанаар өнөөдрийг хүртэл хойшлогдсон юм. Ц.Туяа өдгөө ШШГЕГ-ын харьяа цагдан хорих төвд 461-р ангид хоригдож байгаа юм. Хэргийг эргэн сануулахад, өнгөрсөн долдугаар сарын 1-2-нд шилжих шөнө Ц.Туяа нь хардалтын улмаас Чингэлтэй дүүргийн татварын байцаагч, өөрийн найз байсан Э гэгч эмэгтэйн амь насыг хөнөөсөн юм. Түүнд Эрүүгийн хуулийн тусгай ангийн 91.2.3, 91.2.12-т  заасан өс хонзонгийн сэдлээр, хүний амь насыг онц хэрцгийгээр хөнөөсөн гэх  үндэслэлээр яллах дүгнэлт үйлдээд байгаа. Гэм бурууг  нь шүүхээр эцэслэн тогтоовол  тэрээр 25  хүртэлх жилийн хорих ял сонсох юм.