Монголын томоохон группуудын нэг “Алтан Жолоо Групп”-ын охин компани болох “САНСАР ХҮНСНИЙ ХУДАЛДААНЫ СҮЛЖЭЭ”-ний хамт олон 11 сарын 24-ны билэгт сайн өдөр Баянзүрх дүүргийн 18-р хороо, 13-р хороололд "САНСАР МАРТ" хэмээх шинэ салбараа нээлээ. Нээлтийн өдөр тус сүлжээ дэлгүүрийн үнэн ч худалдан авагч, хэрэглэгчдийн төлөөлөл болсон маш олон хүн цуглаж шинэ салбарын нээлтэнд оролцсон нь тус хамт олны хичээл зүтгэл, нөр их хөдөлмөрийн үр дүнгээс гадна хэрэглэгчдийн хүсч байсан хүлээлтэнд бүрэн нийцсэн худалдааны төв нээгдсэнтэй холбоотой юм.

  Үндэсний хэмээх тодотголтой “Алтан Жолоо Групп”-ын зүгээс нээлтийн арга хэмжээг монгол түмний бахархал "Морин хуур"-аар эхлүүлж, “Уртын дуу”-аар үргэлжлүүлсэн нь хуран цугларсан олны сэтгэлийг ихэд хөдөлгөж бахархах сэтгэл төрүүлсэн юм. Мөн нээлтийн өдрөө хүрэлцэн ирсэн худалдан авагч, үйлчлүүлэгчдээ олон олон гэнэтийн бэлгийг зориулан бэлтгэсэн байсан бөгөөд  “САНСАР ХҮНСНИЙ ХУДАЛДААНЫ СҮЛЖЭЭ”-ний хөнгөлөлтийн карт бэлгэнд өгч, амталгаатай азын худалдаа явуулж үйлчлүүлэгчдийн авсан барааг үнэгүй олгож үнэхээр худалдан авагч, үйлчлүүлэгчдийн сэтгэлд хүрсэн гайхалтай нээлт болсон юм.

Сонирхуулахад: Нээлтийн үеэр хүрэлцэн ирсэн иргэдээс сэтгэгдлийг нь асуухад “Дэлгүүрийн дотор зохион байгуулалт, тохижилт үнэхээр сайхан болжээ. Мөн барааны нэр төрөл, худалдагч, үйлчлэгчдийн үйлчилгээ маш сайн байна хэмээн магтаал сайшаалын үгс зонхилж байв.

            Тус худалдааны төв нь Солонгос улсад үйлдвэрлэгдсэн орчин үеийн дэвшилтэт техник технологоор тоноглогдсон, хэрэглэгчдийн тав тухтай үйлчлүүлэх орчин, хүнсний бүтээгдэхүүний эрүүл аюулгүйн баталгаа зэргийг маш сайн хангахуйц төв юм.