“Үндэсний цэцэрлэгт хүрээлэн” нэртэй олон улсын худалдааны төв
2017/05/17
Баянзүрх дүүргийн нутаг дэвсгэрт байрлах "Үндэсний цэцэрлэгт хүрээлэн" ашиглалтад ороод долоон жилийг ардаа үлдээжээ. Зуны улиралд нийслэлчүүдийн чөлөөт цагаа өнгөрүүлэх үнэ төлбөргүй ганцхан газар бол Үндэсний цэцэрлэгт хүрээлэн юм. Гэтэл тус газрын бүтээн байгуулалт гэхээс илүүтэй төлөвлөлт, худалдаа үйлчилгээний зохион байгуулалт шүүмжлэл дагуулсаар байна.
Үүдээр нь орвол "Нарантуул” зах руу орсон уу гэлтэй дүр зураг нүдэнд бууна. Түүгээр ч зогсохгүй хаанаас авчирсан нь мэдэгдэхгүй хүүхдийн нүд хуурсан тоглоом, ямар махаар хийсэн нь мэдэгдэхгүй хуушуур, шорлогны бизнес хяналтаа алдлаа. Эгээтэй л хувцас хунар, оймс, "турсик" зарахгүй юм.
Энэ асуудалд ганцхан хотын иргэд бид санаа зовоод байгаа юм биш. Тус тойргоос УИХ-д гарсан гишүүн Ж.Энхбаяр өөрийн бухимдсан сэтгэгдлээ цахим хуудаснаа илэрхийлжээ. Тэрбээр "Сонгогдсон тойрогт минь байрлах Үндэсний цэцэрлэгт хүрээлэнгээр ороод гарлаа. Энэ бол хотын иргэдийн салхи агаар, амрах зориулалттай ганцхан ногоон байгууламж болохоос худалдааны төв, зах биш. Сундуйн Батболд дарга та ирж нэг танилцана уу. Ямар ч зохион байгуулалт төлөвлөлт алга. Нөгөө талдаа зөв зохион байгуулалт, хүүхдэд ээлтэй таатай орчин дутагдаж байна”гэж бичжээ.
Түүний энэхүү пост загтнасан газар маажив гэдгээр болов. Нөгөө талдаа Үндэсний цэцэрлэгт хүрээлэнд худалдаа үйлчилгээ эрхэлж байгаа иргэдийг буруутгах аргагүй ч ямар нэгэн зохион байгуулалт төлөвлөлт хийх цаг болжээ. Хүүхдээ салхилуулж буй иргэд дор бүрнээ бухимдалтай харагдана лээ. Учир нь нялх балчир үрс дугуйнд дайруулчих гээд нэг ч хором тайван алхаж чаддаггүй гэж зорин очсон эцэг эхчүүд учирлаж байсан. Мөн тус хүрээлэн шөнийн 00.00 цаг болов уу үгүй юу хамаг тогоо таслаад гэрлээ унтраачихдаг сонин цагийн хуваарьтай. Гэтэл нийслэлийн иргэд, ялангуяа залуучууд бидэнд зуны орой зугаалж, зуны цагт чөлөөт цагаа зөв өнгөрүүлэх тохиолдол цөөнгүй л бий шүү дээ.
Тиймээс хотын дарга С.Батболд та бидний саналыг хүлээж авч энэ асуудлыг яаралтай цэгцэлж өгөөч ээ гэж хүсч байна. Угтаа бол хотын иргэдийн эрүүл аюулгүй орчин амьдрах эрх зөрчигдөж байна.
Э.Ариун
ээж · 2017/05/18
сүүдрэвчтэй сандал нэг ч байхгүй шүү, халуунд наранд шарагдаад хэцүү байдаг шүү
Zz · 2017/05/18
End zaaval yum zarah heregtei yumuu? Us undaa zereg oir zuuriin hungun zuush l tusgai TUTS nd zaral daa. Er n shuluuhan helehed huduunuus irsen humuus haa saigui naimaa hiidgee bolimoor yum. 1 gazar ch gesen tseverhen baig. Endees togloom oims avahgui bol huuhduud uhlee yu
Zz · 2017/05/18
End zaaval yum zarah heregtei yumuu? Us undaa zereg oir zuuriin hungun zuush l tusgai TUTS nd zaral daa. Er n shuluuhan helehed huduunuus irsen humuus haa saigui naimaa hiidgee bolimoor yum. 1 gazar ch gesen tseverhen baig. Endees togloom oims avahgui bol huuhduud uhlee yu
Зочин · 2017/05/18
Яг үнэндээ наана чинь ганц дугуйн зам, нэг усан оргилуур л байдаг юм байна лээ. Гайгүйхэн хотхоны гадаа байдаг тоглоомноос долоон дор. Жоохон зохион байгуулалт муутай байхыг үгүйсгэхгүй ээ. Тэр тоглоом наадгайны хувьд бол ганц хужаагаас биш өөр газраас үнэтэйг нь авчираад тавьчихвал яасан үнэтэй юм пээ пааа гээд бөөн юм ярих байлгүй. Ер нь хэмжээндээ л байх хэрэгтэй ш дээ зарим нэг нь.
Зочин · 2017/05/18
Би дарга нь болоё. Энэ асуудлыг дор нь шийдээд, зөвхөн ҮЦХ-д очиж амрагчидад үйлчилдэг газар болгоно. Одоо бол "ашиг" харсан хүмүүсийн "наймааны" газар болсон.
Дамба · 2017/05/18
Зөвхөн ундны цэвэр усыг үйлдвэрийн үнээр зарах шийдвэр гаргаад болоо.Болсон болоогүй түүхий махтай шорлог нэртэй гадаад маягийн хоол,хүүхдийн нүдийг хуурсан резинэн тоглоом гэх мэт уйтгартай үйлчилгээ үзүүлж буй нөхдүүд ичиж амьдармаар юм.
зочин · 2017/05/17
Өрөөстэй хужаа бараанаас хүүхдээ бултуулах гэж үйлээ үзэхиймаа. дээрээс нь хэдэн мухлаг шиг юмнууд нь ус ундааны үнийг дэлгүүрийн үнээс хэд дахин нугалж зарахыг болиулмаар юмаа
Zochin · 2017/05/17
Dugui unsan teneg batsaanuudiig zailuulaach dairchih gd lalaariin gulugnuud ih bna daa
Zochin · 2017/05/17
Dugui unsan teneg batsaanuudiig zailuulaach dairchih gd lalaariin gulugnuud ih bna daa
Уншигч · 2017/05/17
Үүднээс нь эхлээд л энд тэндгүй хөглөрсөн ХЯТАД бараа бүтээгдэхүүн.Үр хүүхдүүдтэйгээ сайхан агаарт алхая гэж очсон биш хужаагийн хэдэн бараа харж, учраа мэдэхгүй нялхууд өнгөнд нь хууртан аав ээжээсээ тэдгээр ХОГНУУДЫГ нэхнэ.Амьдралын боломжоосоо хамаараад мөнгөтэй, мөнгөгүй гээд маш олон л хүмүүс байгаа.Хүүхдүүдийнхээ нүдийг бүлтийлгээд л зарим нь загнаж, нудчих дүр зураг...Хараа хяналтаа алдсан энэ ЗАХын үйл ажиллагаанд анхаарал хандуулж жинхэнэ ЦЭЦЭРЛЭГТ ХҮРЭЭЛЭН хэвээр байлгамаар...Байгаа тоглоом, саадаа өргөжүүлж, бүрэн бүтэн байдал дээр нь анхаарахгүй атлаа болсон болоогүй худалдаа наймааг сайшаан, өргөжүүлдэг ийм завхарлаа одоо ЗОГСООГООЧ...