Киви хамтлагийн өнгөт үрлүүдийн нэг Агий буюу П.Алтанцэцэг “хамтлагийн нөхөөс”, царайнаас цаашгүй, дуу дуулж гавьдаггүй нэгэн хэмээдэг.

Түүнээс өмнө “Киви” хамтлагаас гурван ч гишүүн солигдоод гарчихсан учир тэрээр ийн хэлэгддэг билээ. Агий “Гэгээрэл” 10 дугаар сургуулийг төгссөн. Банкны эдийн засагч мэргэжилтэй. Ахтай, айлын ганц охин болохоор эрх танхи гэгддэг юм билээ. Ц.Намуунтай "Монгол модель" агентлагийн загварын дугуйланд хамт явдаг байсан бөгөөд продюсер Ангирмаад дуулж, бүжиглэж шалгуулснаар энэ хамтлагт орох эрхээ олж авсан.

Түүний хувьд нэгэн ярилцлагандаа, “Би бусад гишүүд шиг хамтлагаа тийм ч амархан орхихгүй. Хамтлагтаа тууштай байж, хүмүүсийг ташаа ойлголтоос нь гаргана" хэмээснээр нэлээд тууштай явж байгаа.

Уран бүтээлийн хувьд тууштай ч амрагийн явдалд нэлээд их шуугиантай тэрбээр нэр холбогдож явсан залуучууд цөөнгүй. Ганц жишээ нь л хэлэхэд экс ерөнхийлөгч Н.Энхбаярын эгчийн хүү Эрдэнэтэй нэр холбогдож, хаа сайгүй хөтлөлцөн гүйлдэж папарациудын дуранд хүртэл өртөж явсан удаатай. Хамгийн сүүлд гарсан шуугиан нь УИХ-ын гишүүн Н.Номтойбаяртай холбогдоод өдийг хүртэл тэдний амьдрал нам жим байгаа билээ. Харин хэзээ хайр сэтгэлийн харилцаагаа ил болохыг хүлээсээр.