Богдхан уулын дархан цаазат, тусгай хамгаалалтын газрыг хятадуудад зарсан ноцтой гэмт хэргийг ЦЕГ-ын Эрүүгийн цагдаагийн албаныхан илрүүллээ. Улмаар прокурорын хяналтан дор тус хэргийг мөрдөн шалгах ажиллагаа явагдаж байна. 

Тодруулбал, "New black diamond" компани  16 га бүхий тус газрыг 2011 онд аялал жуулчлалын зориулалтаар БОАЖЯ-наас авсан байдаг. Гэвч 2013 онд Нийслэлийн хот байгуулалт хөгжлийн газраас орон сууц барих зөвшөөрлийг хууль бусаар олж авсан байна. Үүгээр зогсохгүй БНХАУ-ын нэр бүхий хоёр ч компанид хувьцаа шилжүүлэх маягаар тус газрыг худалджээ.

ҮНДЭСНИЙ ШУУДАН СОНИН