Өнөөдөр Сүхбаатар, Чингэлтэй, Баянзүрх дүүргийн Эрүүгийн Хэргийн анхан шатны шүүхэд Ерөнхий сайд асан, УИХ-ын гишүүн Ж.Эрдэнэбатын хорих ангиас суллагдах хүсэлтийг авч хэлэлцэх хурал 10 цагаас эхэллээ.

Улмаар шүүх бүрэлдэхүүн Ж.Эрдэнэбат, Б.Отгонбаатар, Д.Түвшинжаргал нарт хорихоос өөр таслах сэргийлэх арга хэмжээ авч, хорих ангиас суллах шийдвэр гаргажээ.

Энэ оны 1-р сарын 15-нд Улсын Дээд шүүх түүнд оноосон 6 жил хорих ялыг хүчингүй болгож, хэргийг нь прокурорт буцаасан билээ.