Японы мэргэжлийн сумо бөхийн 73 дахь, монгол хүчтэнүүдээс төрөн гарч буй тав дахь аваргаар Тэрүнофүжи Г.Ган-Эрдэнэ тодорлоо. 

Тэрүнофүжи Г.Ган-Эрдэнэ мэргэжлийн сумо 10 жил хүч үзэж дөрвөн удаа түрүүлсний эцэст сумо бөхийн дээд цол болох Ёкозүна цол хүртлээ. Тэрээр хүнд бэртлийн дараа озеки цолноос хамгийн доод төвшин хүртэл эрэмбэ буурсан ч уйгагүй зүтгэсээр аварга болж буй анхны бөх боллоо. Мөн түүнчлэн Рейва тооллын анхны аварга болж байна.