Н.Номтойбаяр улс төрд эргэн ирэхийг оролдож эхэлжээ
2023/05/15
Өнгөрсөн амралтын өдрүүдэд "2020 буюу Н.Номтойбаярыг хэн хэлмэгдүүлсэн бэ?" гэх нэвтрүүлэг бүхий л сайтуудаар төлбөртэй цацагдав.
Агуулга нь Н.Номтойбаяр ямар ч гэмгүй байтал улс төрийн зорилгоор хэлмэгдүүлсэн ба гол нь эзэн нь Ерөнхийлөгч асан Х.Баттулга юм биш үү? гэсэн санаатай байх аж. Эх сурвалжуудын хэлж буйгаар Н.Номтойбаяр улс төрд эргэн ирж, УИХ-ын 2024 оны сонгуульд оролцохоор шийдэн идэвхтэй хөөцөлдөж эхэлжээ.
"2020 буюу Н.Номтойбаярыг хэн хэлмэгдүүлсэн бэ?" гэх нэвтрүүлэг ч үүний нэг хэсэг гэнэ. Гэхдээ Н.Номтойбаяр НАМЗХ-ы эрх мэдлийн төлөө анх хэнтэй муудалцсан, эцэст нь хэний өрөөнд орж, "Чи салаа зам дээр байна" гэсэн анхааруулгыг үл тоон, хэгжүүрхэж ял авсаныг Монголчууд сайн мэднэ. Н.Номтойбаяр ой санамжаа алдчихаагүй бол сайн мэдэж байгаа.
Ер нь бол Н.Номтойбаяр эрх баригч МАН доторх У.Хүрэлсүх удирдагчтай 32-ын бүлэг, М.Энхболд удирдагчтай 33-ын бүлэг гэгчийн зөрчилд хэт сэтгэл хөдлөлдөө автан оролцож, У.Хүрэлсүхийг огцруулж, оронд нь өөрөө Ерөнхий Сайд болох мөрөөдөлдөө "шатан" үг, үйлдлээ цэгнэх хяналтаа алдан, өөрийгөө баллачихсан нь үнэн.
Уг нь М.Энхболдын талд гэж явсан УИХ-ын гишүүд аль хэдийн хүчний тэнцвэрийг ойлгон, зөрчил, сөргөлдөөнийг зогсоох тормозоо татан, намдаа, улс төрдөө үлдэцгээсэн юм. Харин Н.Номтойбаяр хувь хүнийхээ шартай, омголон зандаа хөтлөгдөн зөрүүдэлсээр МАН-аасаа хөөгдсөн билээ.
Гэтэл дээрх төлбөрт нэвтрүүлэгт, Н.Номтойбаярыг хэлмэгдүүлсэн хүн нь дээр өгүүлсэн хоёр эрхэм биш харин Монгол Улсын Ерөнхийлөгч асан Х.Баттулга гэж өгүүлэх ажээ.
Юу болов?
Н.Номтойбаяр улс төрд эргэн ирэхдээ МАН-даа дахин орчихвол тун зүгээр гэж бодож буй бөгөөд иймээс ч "Х.Баттулга гэх хадны мангаа л өөрийг нь хэлмэгдүүлсэн, энэ бүх шүүхийн завхралтай Ерөнхий Сайд, МАН-ын дарга Л.Оюун-Эрдэнэ ид тэмцэж байна, иймээс ч Н.Номтойбаяр ба Л.Оюун-Эрдэнийн зам нийлж болно" гэх мессежийг өгөхийг хичээж буй бололтой.
Энэ оролдлого нь амжилт олж, Н.Номтойбаяр МАН-д эргэн ирэхийг хэлэхэд эрт. Гэвч тэрээр энэ оролдлого нь амжилт олох эсэхээс үл хамааран УИХ-ын 2024 оны сонгуульд заавал оролцоно гэж шийдсэн бололтой.
Э.Мягмар
sonin.mn
Дорж · 2023/05/19
Ер нь амьдрал дээр ажиглаад хараад байхад хүүхэд залуу байхдаа хөдөлгөөнтэй байсан хүүхдүүд том болоод буруу тийшээ яваагүйл бол ажлын төлөө дүрдээ орж ажлаа хийсэн чиг хийдэг ажил хэрэгч хүмүүс болсон байдаг юм даа. Иймээс Номтойбаяр одоо юм хийх бүтээлч байхаар харагддаг юм даа.
Ахмад · 2023/05/18
Номтойбаяр Улс төрлүү орж ирэх аваас Монголын төрд хэрэгтэй.Бидний ахмадуудын тухайд Номтойбаяр 2016 оны Сонгуулийн дараа ХНХ -ийн сайд болж ганц жил гаруйхан хугацаанд ажиллахдаа Ахмадуудын талаар маш богино хугацаанд цогц арга хэмжээний хэд хэдэн хууль , Тухайлбал: Ахмад настны тухай хууль, Насны хишиг олгох тухай хууль,Алдар цолтой ахмад настнуудад нэмэгдэл тэтгэлэг, тусламж, дэмжлэг үзүүлэх тухай хууль ,Засгийн газрын тогтоол шийдвэр гаргуулж, Монголын ахмадын байгууллагуудаар төрийн тодорхой чиг үүргийг гүйцэтгүүлж, улс, орон нутгийн төсвөөс тэдгээрийг санхүүжүүлдэг байх журам тогтоож маш их буянтай ажил санаачилж УИХ-ын дарга М.Энхболд, Ерөнхий сайд Ж.Эрдэнэбат нарт ойлгуулан дэмжүүлж шийдвэрлүүлэн өөрөө манлайлж хэрэгжүүлсэн. Хэрвээ түүнийг 33-ийн хахуульч луйварч бүлэглэлийн хуйвалдаанаар элдвээр шахаж хэлмэгдүүлэн огцруулаагүй бол тэр улс орон, ард түмэнд хэрэгтэй их юм хийх байсийм аа. Н.Номтойбаярыг явсанаас хойш хөөрхийн муу ахмадууд хөсөр хаягдсан. \ ... Тоорой бандийг явсанаас хойш тостой давуу ч олдсонгүй үэдэг шиг... талхны булангаа ч хувааж хэрэглээтэй тулсан даа. Юу үнэн бэ гэвээс энэ л үнэн. Ж.Эрдэнэбатаас хойших ЕС-ууд \У.Хүрэлсүх,Л.ОюунЭрдэнэ \нар ч тэр, Н.Номтойбачраас хойших ХНХ-ийн сайдууд \С.Чинзориг ,А.Ариунзаяа \ -ын хэн нь ч ахмад настнуудын талаар хуруугаа ч хөдөлгөөгүй дээ. Өнөөгийн УИХ-ын хулгайч гишүүдийг \ОюунЭрдэнэ нарын хэдээс бусдыг ,10 -аас хэтэргүй л хүн бий \ яав ч дахин сонгож болохгүй. Ядарсан олон түмнийг улны ул болгосон,буг болтлоо төрд бугшсан С. Чинзориг,Ч.Хүрэлбаатар ,Сү.Батболд, Н.Энхболд ,Л.ЭнхАмгалан, Б. Чүйжилсүрэн,Ц.Даваасүрэн ,С.Бямбацогт мэтийн мэргэшэн хахуульч авилагчдыг хэрхэвч Монголын төр лүү ойртуулж үл болмой.
иргэн · 2023/05/16
үнэн бол сайн л байна , дэмжинэ . талархан байна .
Зочин · 2023/05/15
Яагаад болохгүй гэж нэг ч гэсэн гайгүй гишүүн байх нь хэрэгтэй НОМТОЙБАЯР ОДООГИЙН УНТАА НОЙРМОГ ТЭНЭГ ХУЛГАЙЧ ХУДАЛЧУУДЫН БАРАГ 20 ТЭНЭГТЭЙ ТЭНЦЭХ ЗАЛУУ ШҮҮ БИ Л ДЭМЖДЭГ ЭРГЭН ИРЭХИЙН ЕРӨӨЛ ТАВЬЯ НОМТОЙБАЯР, ГАНТУЛГА ГЭСЭН ЗАЛУУХАН ГАЙГҮЙ ЗАЛУУСЫГ НЭГ Л ХҮН НУХЧИН ХАЯСАН ГЭДЭГ ЮМ БИЛЭЭ
Чи · 2023/05/15
Чи хэрэггүйгээ мэдчээгүй юмуу