Сүүлийн жилүүдэд манай улсад хүнсний аюулгүй байдал алдагдах болсон. Нэг хэсэг өдөр өнжилгүй бидний хоол хүнсэндээ хэрэглэдэг мах, махан бүтээгдэхүүн, жимс, хүнсний ногооноос өт, мөгөөнцөр, хөгц гээд элдэв янзын зүйлс ихээр гарч ирсэн гэх иргэдийн гомдол холбогдох байгууллагаас тасраагүй ээ.

Хятад, Солонгос хоолны газрууд хоолондоо нус, цэрээ хийж элдэв зүйлээр хачирладаг гэх мэдээлэл нэг хэсэг шуугиан тариад намжсан. Саяхан  Хятад хүмүүс солонгос хоолны газарт нийлүүлдэг холны хачираа усанд ордог ванндаа дэвтээж хийж буй баримттай бичлэг цацагдсан.

Тэгвэл чингэлтэй дүүргийн мэргэжлийн газарт  "Азтай савар- Амьтанд хайртай залуус" ТББ-аас солонгос хоолны газар нохойн махаар хоол хийж байна гэсэн гомдлыг өгсөн байна.

Уг гомдлын дагуу тус хяналтын байгууллага шалгалт хийжээ. Энэхүү шалгалтаар урт цагаан худалдаа үйлчилгээний төвийн наймдугаар корпусын хоёр давхарт үйлчилгээ явуулдаг "Пхеньян" хоолны газраас нохойн махыг илрүүлжээ.

Шалгалтын явцад 7.2 кг нохойн мах илрүлэн устгаж, үйл ажиллагааг түр хугацаагаар зогсоох шийдвэр гарган ажилласан байна.  Мөн холбогдох хуулийн заалтын дагуу 960.000 төгрөгийн торгууль ногдуулж, шийтгэврийн арга хэмжээ авчээ.

Манайд гадны хоолны газрууд зонхилон үйл ажиллагаа явуулдаг гэдгийг та бүгд мэднэ. Дээрхээс харахад иргэдийн дунд явган яриа болсон зүйл үнэн болж таарлаа. Хятад, Солонгос хоолны газрууд нохойн махаар хоолоо ихэвчлэн хийж үйлчилдэг хэмээдэг. Бид сонссон ч за худлаа байлгүй гээд өнгөрч ахиад л нөгөө газраа орон хоолын зооглодог гэхэд хилсдэхгүй. Гадны хоолны газар гэж хөл алдаж гүйх шаардлага монголчуудад бий юу?

Монгол хоолны газруудад бол буяндаа бузар хийхгүй гээд арай ч ийм арчаагүй үйлдэл хийхгүй нь ойлгомжтой. Гадны хүн, солонгос, хятад хоол зооглохын тулд хөл алдан гүйхээ болчихвол тэд үйлчлүүлэгчгүй болж хоолондоо элдэв зүйл хийж хууран мэхлээ зогсоох биз ээ.

Арай хийж олж буй мөнгөөрөө монголчууд бид хор авч идээд байна уу? Хоол авч идэж байгаа юу гэдгээ бодох л асуудал.

Х.Даваа