Ардын хувьсгалын 97 жилийн ой, Үндэсний их баяр наадам, Эрдэнэт үйлдвэр ХХК-ийн 40 жилийн ойг тохиолдуулан Монгол улсын Ерөнхийлөгчийн зарлигаар Эрдэнэт үйлдвэр ХХК-ийн Ил уурхайн Өрөмдлөг тэсэлгээний хэсгийн өрмийн машинч Б.Батбаярыг Монгол улсын Хөдөлмөрийн баатар цолоор, Эрдэнэт үйлдвэрийн анхдагч, Геологи хайгуулын ангийн ахмад ажилтан, Төрийн соёрхолт  Г.Сандуйжав, Баяжуулах үйлдвэрийн Засварын хэсгийн тоног төхөөрөмжийн засварчин Э.Доржболд, Авто тээврийн байгууллагын Уулын технологийн тээврийн хэсгийн дарга Д.Чадраабал нарыг Аж үйлдвэрийн гавьяат ажилтан цолоор тус тус шагнасан юм. Хөдөлмөрийн баатар, гавьяатуудаа Орхон аймаг болон Эрдэнэт үйлдвэр ХХК-ийн удирдлагууд, хамт олон нь хүндэтгэлтэйгээр угтаж, баяр, талархлаа илэрхийллээ.

Э.Мөнх-Уянга