С.Мөнхчулууныг намынхаа бодлогыг дагаагүй гэдэг үндэслэлээр МАН-аас хөөхөөр яригджээ
2019/02/18
2019 оны 1 сарын 16-нд НИТХ хуралдаж, Нийслэлийн Засаг дарга бөгөөд Улаанбаатар хотын захирагчийг сонгохоор санал хураалт явуулсан ч нэр дэвшсэн С.Амарсайхан, С.Мөнхчулуун нарын санал 21:21 харьцаатай тэнцэж, нэг санал дээр гурвалжин тэмдэглэгээ хийсэн тул хүчингүйд тооцон дахин санал хураахаар болсон билээ.
Улмаар дахин хураалт явуулахад С.Мөнхчулуун НИТХ-ын 43 төлөөлөгчдийн 24-ынх нь буюу олонхийн санал авч Нийслэлийн Засаг дарга бөгөөд Улаанбаатар хотын захирагчаар сонгогдож, харин түүнтэй өрсөлдсөн С.Амарсайхан НИТХ-ын 16 төлөөлөгчийн санал авсан юм.
Гэсэн ч Монгол Улсын Ерөнхий Сайд У.Хүрэлсүх түүнийг Нийслэлийн засаг дарга бөгөөд Улаанбаатар хотын захирагчаар батлахаас татгалзаж буйгаа 2 сарын 15-нд НИТХ-д мэдэгдсэн.
Үүнээс гадна МАН-ын Хяналтын хороо НИТХ-ын төлөөлөгч С.Мөнхчулууныг намынхаа бодлого, шийдвэрийг дагаагүй гэсэн үндэслэлээр намын гишүүнчлэлээсээ хасахаар яригдаж буй аж.
МАН-ын Удирдах Зөвлөл НИТХ-ын дарга С.Амарсайханыг Нийслэлийн засаг дарга бөгөөд Улаанбаатар хотын захирагчид нэр дэвшүүлсэн билээ.
Ч.Явуухүү
sonin.mn
Зочин · 2019/02/19
УЛС ТӨР БОЛОН ТӨРИЙН АЛБАНД ТҮРҮҮНИЙ БӨӨСНҮҮД ТОЛГОЙД ГАРДАГ ЛУЙВАРЫН БОГИНО ЗАМУУДЫГ ХААХ ХЭРЭГТЭЙ.УЛС ТӨР ЦЭВЭРШИЖ БАЙЖ Л ЭДИЙН ЗАСАГ САЙЖИРНА.
Зочин · 2019/02/19
МАНАН-гийн ДАВАРСАН МАНГАРЫГ БҮР МӨСӨН ЗАЙЛУУЛВАЛ ТААРНА.
orgiliin naiz · 2019/02/19
mangar bacaan tonil
Zochin · 2019/02/18
Ugaasaa dur zorgooroo avirladag baij bolokhgui. Neg tolgoitoi ym bol zakhirgaj sur. Sunduig zailuulaach Ene zaluuchuudig uruu tataj buruu jijis togtooj b.na.